Barangay Assembly isinagawa sa Balatong A, Pulilan

PULILAN, Bulacan — Nagsagawa ng Barangay Assembly sa Barangay Balatong A sa pangunguna ni Punong Barangay Laureano P. Sicat, upang talakayin ang mga programa at pangangailangan ng komunidad.

Nakiisa sa pagtitipon ang mga kinatawan ng Tanggapan ni Vice Mayor Atty. Imee Cruz, Bureau of Fire Protection (BFP), Department of the Interior and Local Government (DILG), mga Civil Society Organizations (CSOs), at mga residente ng barangay.

Sa pagpupulong, binigyang-diin ang kahalagahan ng pagbabahagi ng impormasyon tungkol sa mga programa at serbisyo ng pamahalaan, gayundin ang pagtukoy sa mga pangunahing pangangailangan ng mga residente.

Nagsilbi rin ang Barangay Assembly bilang pagkakataon para sa mga mamamayan na maipahayag ang kanilang mga saloobin at makilahok sa mga usaping may kaugnayan sa pagpapaunlad ng kanilang komunidad.