Dressmaking NC II Orientation, isinagawa ng PESO Pulilan

PULILAN, Bulacan — Nagsagawa ang Public Employment Service Office (PESO) Pulilan ng Dressmaking NC II Orientation bilang bahagi ng mga programa nito sa pagpapaunlad ng kasanayan at pagbibigay ng oportunidad sa kabuhayan para sa mga Pulilenyo.

Layunin ng aktibidad na mabigyan ng paunang kaalaman ang mga interesadong sumailalim sa pagsasanay sa pananahi at paggawa ng damit, na maaaring magamit sa paghahanap ng trabaho o pagsisimula ng sariling negosyo.

Sa pamamagitan ng programa, hinihikayat ang mga kalahok na paunlarin ang kanilang kakayahan sa dressmaking upang magkaroon ng karagdagang oportunidad sa industriya ng pananamit at iba pang kaugnay na hanapbuhay.

Patuloy namang hinihikayat ng PESO Pulilan ang mga residente na subaybayan ang mga susunod nitong anunsyo tungkol sa skills training at livelihood programs na maaaring makatulong sa kanilang paghahanapbuhay.