Infinity Runners Pulilan naghalal ng mga bagong opisyal

PULILAN, Bulacan — Isinagawa ng Infinity Runners Pulilan ang kanilang kauna-unahang General Meeting at Election of Officers noong Oktubre 9, 2026 sa AIC Headquarters, Barangay Sto. Cristo, Pulilan.

Nakiisa sa pagtitipon si Vice Mayor Atty. Imee Cruz, bilang pagpapakita ng suporta sa samahan at sa mga aktibidad nitong naglalayong hikayatin ang mga Pulilenyo na magkaroon ng aktibo at malusog na pamumuhay.

Bahagi ng pagpupulong ang paghahalal ng mga opisyal na mangunguna sa mga susunod na programa at aktibidad ng grupo.

Inaasahang magsisilbing panimula ang unang General Meeting sa pagpapalakas ng organisasyon at pagpapalawak ng mga gawaing may kaugnayan sa pagtakbo, physical fitness at pakikilahok sa komunidad.