15 residente ng Poblacion sumailalim sa Basic Life Support at First Aid Training sa Pulilan

PULILAN, Bulacan — Labinlimang kalahok mula sa Barangay Poblacion ang sumailalim sa Basic Life Support (BLS) and Community First Aid Training na isinagawa noong Agosto 27 at 28 sa Pulilan Central School Training Center.

Nakatuon ang dalawang araw na pagsasanay sa pagpapalawak ng kaalaman at praktikal na kakayahan ng mga kalahok sa first aid, emergency response, at basic life-saving techniques na maaaring magamit sa panahon ng aksidente at iba pang emergency.

Ang aktibidad ay hiniling at isinponsor ng Tau Gamma Phi – Poblacion bilang bahagi ng kanilang programa upang madagdagan ang bilang ng mga miyembro ng komunidad na may sapat na kaalaman sa paunang pagtugon sa mga emergency.

Layunin ng pagsasanay na makatulong sa pagpapalakas ng community preparedness at matiyak ang mas mabilis, wasto, at epektibong pagtugon habang hinihintay ang pagdating ng mga professional emergency responder.