Bagong gusali ng Pulilan Municipal Police Station, pinasinayaan

PULILAN, Bulacan — Pormal na pinasinayaan at binasbasan ang Newly Constructed Standard Building ng Pulilan Municipal Police Station sa isang seremonyang dinaluhan ng mga opisyal ng Philippine National Police, lokal na pamahalaan, at iba pang panauhin.

Nanguna sa mga dumalo si PBGen. Jess B. Mendez, Regional Director ng Police Regional Office 3, kasama sina PCOL Jay B. Baybayan, PLTCOL Eric C. Cister, Vice Mayor Atty. Imee Cruz, mga miyembro ng Sangguniang Bayan, mga Punong Barangay, at iba pang mga opisyal at kinatawan ng iba't ibang sektor.

Ayon sa mga opisyal, ang bagong himpilan ay magpapalakas sa kakayahan ng Pulilan Municipal Police Station sa pagpapanatili ng kapayapaan, kaayusan, at kaligtasan ng publiko. Inaasahan ding higit pang mapabubuti ang koordinasyon at pagtugon sa mga insidente sa pamamagitan ng pakikipagtulungan ng lokal na pamahalaan at ng Philippine National Police, kabilang ang paggamit ng Public Safety and Security Command Center ng bayan.

Ang pagpapasinaya ng bagong gusali ay bahagi ng patuloy na pagsisikap ng pamahalaan at ng PNP na mapahusay ang mga pasilidad at serbisyong pangseguridad para sa kapakanan ng mga mamamayan ng Pulilan.