Bigas, bota ipinamahagi sa mga pulis na naka-deploy sa mga binahang lugar sa Bulacan

Namahagi ng bigas at bota ang Bulacan Police Provincial Office (PPO) sa mga personnel na patuloy na naka-deploy at nagsasagawa ng kanilang tungkulin sa mga lugar na apektado ng pagbaha dulot ng Southwest Monsoon o Habagat.

Pinangunahan ni PCOL Jay B. Baybayan, Acting Provincial Director ng Bulacan PPO, ang pamamahagi bilang suporta sa mga pulis na nagsasagawa ng patrol, traffic assistance at iba pang tungkulin sa mga komunidad na apektado ng baha.

Ayon sa Bulacan PPO, layunin ng inisyatiba na makatulong sa kapakanan at kaligtasan ng mga frontline personnel habang nagpapatuloy ang kanilang deployment sa gitna ng masamang panahon.

Ilan sa mga personnel na tumanggap ng tulong ay iniulat na mismong naapektuhan din ng pagbaha kasama ang kanilang mga pamilya.

Source: Bulacan Police Provincial Office