ERC nagpatupad ng bagong electric bill format

Nagpatupad ang Energy Regulatory Commission (ERC) ng bagong billing format para sa lahat ng distribution utilities (DUs) upang maipakita sa electric bill ang pagtanggal ng 12% value-added tax (VAT) sa allowable system loss charges na ipinapasa sa mga consumer.

Sa ilalim ng bagong format, kailangang malinaw na maipakita sa billing statement ang pagbabago sa VAT treatment ng system loss charges upang makita ng mga consumer kung paano ito nakaaapekto sa kanilang kabuuang bayarin sa kuryente.

Ang system loss ay tumutukoy sa bahagi ng elektrisidad na nawawala habang dinadala at ipinamamahagi sa distribution system, kung saan ang pinapayagang bahagi nito ay maaaring maisama sa singil sa mga consumer alinsunod sa umiiral na regulasyon.