Ilang bahagi ng Calumpit mawawalan ng kuryente

CALUMPIT, Bulacan — Nakatakdang makaranas ng pansamantalang pagkawala ng kuryente ang ilang bahagi ng Calumpit ngayong Setyembre 23 dahil sa maintenance works ng Meralco.

Apektado ng power interruption ang ilang lugar sa Barangay Iba Este, Iba Oeste at Palimbang mula 1:00 a.m. hanggang 4:00 a.m.

Ayon sa Meralco, kinakailangan ang pansamantalang pagkawala ng serbisyo upang maisagawa ang line conversion works at retirement ng ilang electricity facilities sa kahabaan ng MacArthur Highway at Iba Road.

Pinapayuhan ang mga residente at establisimyento sa mga apektadong lugar na maghanda para sa nakatakdang power interruption at ituring na energized ang mga linya kahit nasa loob ng maintenance period.