Job fair gaganapin sa SM Pulilan sa Setyembre 24

PULILAN, Bulacan — Isang Job Fair ang gaganapin sa Setyembre 24 sa SM Center Pulilan upang magbigay ng pagkakataon sa mga naghahanap ng trabaho na direktang makaugnayan ang iba't ibang employer at kumpanya.

Bukas ang job fair mula alas-10:00 ng umaga hanggang alas-3:00 ng hapon, kung saan maaaring alamin ng mga aplikante ang available job opportunities at magsumite ng kanilang aplikasyon sa mga participating employers.

Layunin ng aktibidad na mailapit sa mga jobseekers ang mga oportunidad sa trabaho at magkaroon sila ng pagkakataong makipag-ugnayan sa mga kumpanyang naghahanap ng mga kwalipikadong aplikante.

Hinihikayat ang mga interesadong jobseekers na maghanda ng kanilang mga kinakailangang application documents para sa aktibidad.