Libreng school supplies at bucket hats, ipinamahagi sa Child Development Center ng Brgy. Tibag

PULILAN, Bulacan — Nagpatuloy ang pamamahagi ng libreng school supplies at bucket hats sa mga mag-aaral ng Child Development Center (CDC) sa Brgy. Tibag bilang bahagi ng programang sumusuporta sa edukasyon ng mga batang Pulilenyo.

Isinagawa ang distribusyon upang mabigyan ang mga mag-aaral ng mga pangunahing kagamitang kakailanganin nila sa pagsisimula ng bagong taong panuruan.

Layunin ng programa na makatulong sa paghahanda ng mga bata para sa kanilang pag-aaral, gayundin na mabawasan ang gastusin ng mga magulang sa pagbili ng mga pangunahing school supplies.

Patuloy na isinasagawa ng lokal na pamahalaan ang pamamahagi ng libreng school supplies sa iba't ibang Child Development Centers sa Pulilan bilang bahagi ng mga programang nakatuon sa pagpapalakas ng edukasyon sa bayan.