NPC naglabas ng Show Cause Orders laban sa Meta, Roblox, Reddit at Discord

Naglabas ang National Privacy Commission (NPC) ng Show Cause Orders laban sa Meta, Roblox, Reddit at Discord nitong Martes, Setyembre 22, kaugnay ng umano'y hindi pagsunod ng mga ito sa registration requirements sa ilalim ng Data Privacy Act of 2012 at NPC Circular No. 16-03.

Sa pamamagitan ng mga kautusan, hinihingan ng NPC ng paliwanag ang mga naturang digital platforms kaugnay ng kanilang compliance sa mga umiiral na data privacy registration requirements.

Binigyang-diin ng NPC na dapat manatiling prayoridad ang kaligtasan, privacy at kapakanan ng mga kabataan, lalo na habang mas malaking bahagi ng pag-aaral at pakikipag-ugnayan ang nagaganap sa digital platforms.

Ayon sa komisyon, patuloy nitong isinusulong ang proteksiyon sa privacy at data subject rights ng mga kabataan, gayundin ang responsableng pagproseso ng personal na impormasyon.

Ang paglalabas ng Show Cause Orders ay hindi pa nangangahulugan ng pinal na finding na lumabag ang mga kumpanya sa batas; binibigyan muna sila ng pagkakataong magpaliwanag hinggil sa kanilang compliance.