Tatlong araw na Community-Based DRRM Training, sinimulan sa Pulilan

PULILAN, Bulacan — Sinimulan ngayong araw ang Community-Based Disaster Risk Reduction and Management (CBDRRM) Training sa Villa Lorenzo Resort, Brgy. Poblacion, Pulilan, sa pangunguna ng Municipal Disaster Risk Reduction and Management Office (MDRRMO).

Isasagawa sa loob ng tatlong araw ang pagsasanay na naglalayong palawakin ang kaalaman at kakayahan ng mga kalahok sa disaster preparedness, risk reduction, at emergency response upang maging mas handa ang mga komunidad sa pagharap sa iba't ibang uri ng sakuna.

Kabilang sa layunin ng training ang pagpapalakas sa kakayahan ng komunidad na matukoy ang mga panganib, makapaghanda bago dumating ang kalamidad, at maisagawa ang mga tamang hakbang sa panahon at pagkatapos ng isang emergency.

Sa pamamagitan ng community-based approach, inaasahang mas mapalalakas ang koordinasyon at aktibong pakikilahok ng mga mamamayan sa disaster risk reduction upang makatulong sa pagbuo ng mas ligtas at matatag na mga komunidad sa Pulilan.