Tatlong obra ng Pulilenyong artist, tampok sa international art exhibit sa Hong Kong

PULILAN, Bulacan — Isang karangalan para sa bayan ng Pulilan ang pagkakapili sa tatlong obra ng lokal na artist na si Mejeyd Tribo upang maging bahagi ng isang Christian-themed art exhibit sa Hong Kong.

Ang pagkakasama ng kaniyang mga likhang-sining sa isang international exhibition ay nagsisilbing pagkilala sa talento at husay ng mga Pulilenyo sa larangan ng sining, gayundin sa kakayahan nilang maipakita ang kanilang kultura at pananampalataya sa pandaigdigang entablado.

Ayon sa mga tagasuporta ng artista, ang mga obrang likha ni Mejeyd Tribo ay sumasalamin sa lalim ng pananampalataya at malikhaing pagpapahayag na siyang naging daan upang mapili ang mga ito para sa nasabing eksibisyon.

Ang tagumpay ni Tribo ay inaasahang magsisilbing inspirasyon sa iba pang lokal na alagad ng sining at magpapakita na ang talento ng mga Pulilenyo ay kayang makilala at mapahalagahan maging sa ibang bansa.