"The Magician", bumisita sa Pulilan

Dinumog ng mga residente at mga tagahanga ng bilyar ang nasabing exhibition game upang personal na mapanood ang isa sa pinakadakilang manlalaro ng bilyar sa kasaysayan. Sa kanyang pagbisita, ipinamalas ni Reyes ang kanyang pambihirang husay, estratehiya, at mga kahanga-hangang tira na naging dahilan upang siya ay makilala at hangaan sa buong mundo.

Naging isang espesyal na pagkakataon para sa mga Pulilenyo ang makasama at makita nang personal ang alamat ng Philippine billiards. Nagbigay din ang naturang exhibition game ng inspirasyon sa mga kabataang mahilig sa isport at sa mga nagnanais na tahakin ang larangan ng bilyar.

Nagpaabot naman ng pasasalamat ang mga organizer at ang pamayanan ng Pulilan kay Efren "Bata" Reyes sa kanyang pagbisita at sa pagbabahagi ng kanyang talento sa mga residente.

Inaasahan na ang kanyang pagbisita ay mag-iiwan ng inspirasyon at magandang alaala sa lahat ng nakasaksi sa makasaysayang exhibition game sa Brgy. Lumbac.