TRYP MOA Handa sa TOYCON 2026, Nag-aalok ng Special Attendee Rate

Habang papalapit ang pinakaaabangang TOYCON NEXUS 2026 sa Hunyo 12 hanggang 14 sa SMX Convention Center  Manila, mas pinadadali ngayon para sa mga collectors, cosplayers, at pop culture fans ang kanilang event experience sa pamamagitan ng espesyal na partnership sa TRYP by Wyndham Mall of Asia Manila. Bilang opisyal na hotel partner ng TOYCON, nag-aalok ang hotel ng komportableng matutuluyan na ilang minuto lamang mula sa venue, kaya hindi na kailangang mag-alala sa mahabang biyahe at mabigat na trapiko sa panahon ng event.

Para sa mga nais sulitin ang kanilang TOYCON weekend, maaaring i-avail ang eksklusibong attendee rate na ₱7,000 kada gabi, na may kasamang kuwartong may dalawang Queen Beds, breakfast para sa dalawa, access sa mga amenities ng hotel, at libreng shuttle service sa loob ng Mall of Asia complex. Bukod sa pagiging malapit sa SMX, nasa sentro rin ang hotel ng isa sa mga pangunahing shopping, dining, at entertainment destinations sa bansa.

Mula sa maagang pagpila para sa exclusives hanggang sa buong araw na toy hunting, cosplay activities, at pag-iikot sa convention floor, siguradong mapapagod ang bawat attendee. Kaya naman, para sa mga naghahanap ng mas komportable at hassle-free na TOYCON experience, ang pananatili sa TRYP by Wyndham MOA ay maaaring maging pinakamagandang paraan upang manatiling malapit sa lahat ng aksyon habang nagpapahinga sa isang modernong hotel sa gitna ng Metro Manila.