All Articles

When people look at this photo, they may simply see a dog with bright eyes and a happy smile. But when I look at it, I see someone who has become an important part of my life. This is Lucky—my dog, my best friend, my companion, and one of the purest sources of happiness I have ever known. Lucky is more than just a pet. He is a reminder that love does not always need words. Sometimes, it comes in the form of four paws, a wagging tail, and a heart that remains faithful no matte

Sa pagtatapos ng bakasyon, sabik na muling pumasok si Ascille Shaina Marie Angeles, 8, na agad ding hinatid ng kaniyang lola na si Marissa Vasallo, 51 na pumasok sa Segundo Esguerra Sr. Memorial Elementary School ngayong araw, Ika-8 ng Hunyo. Ani ng kaniyang lola, dahil OFW ang nanay at nasa karatig-bayan ang tatay ng kaniyang apo, siya ang nag-aalaga rito upang gabayan ang siya sa pag-aaral.

Kahit siya ay tagapagturo sa asignaturang siyesya, kusang-loob pa ring tumulong si Jerome Madla, 30, guro sa Gloria Esguerra T. S. Pereña National High School sa Balik-Aral Program nitong bakasyon. Aniya, mas pinili niyang makiisa sa pagtulong mula noong mabigyan ng oportinidad at bigyan ng pag-asa ang mga mag-aaral na lumago ang kaalaman.

Dahil sa tungkulin sa programa ng 4ps, aktibong tumutulong si Cristina Bea, 33, sa Brigada Eskwela ng Gloria Esguerra T. S. Pereña National High School ngayong araw ng Lunes, Ika-1 ng Hunyo. Aniya, sa tatlong taong pagtulong sa mga ganitong programa, bukal sa loob siyang nagkukusang makiisa sa paglilinis.

Maligsing naglalaro si Marco Florendo, 9, habang itinutulak ng kaniyang balikat sa hangin ang kaniyang kaibigan na si Rodjhun Llaguno, 9, sa swimming pool ng Casa Nenita nitong ika-24 ng Mayo upang maagang ipagdiwang ang kaniyang kaarawan at ng kaniyang ate. Aniya, minsan lang siya mabigyan ng ganitong pagkakataon kung kaya't sinusulit niya ang bawal oras upang makapagsaya kasama ang inimbitahang kaibigan.

Sa kabila ng pagod at init ng araw, patuloy na nagsisikap si Alfredo Santos Sr., 65, upang maitaguyod at mabuo ang pinapangarap na tahanan para sa kaniyang pamilya sa Dampol 2nd A, Pulilan, Bulacan nitong ika-21 ng Mayo. Aniya, mahalagang araw-araw ang pagtatrabaho upang unti-unting maitatag ang bahay na kanilang pinag-ipunan at magiging tahanan ng kaniyang pamilya.

Upang mahasa ang kanilang kakayahan sa roller skating, ginagabayan ni Princess Elaiza Moster, 8, ang kaniyang pinsan na si Jillian Antoinette Recio, 4, sa Tibag Covered Court nitong ika-18 ng Mayo. Aniya, “Pinayagan naman po si Jillian ng mama niya na mag-skate, kaya hinatid po kami ng pinsan namin sa court para makapagpraktis dahil hindi po lubak ang daan dito.”

Sa pagdiriwang ng Carabao Festival sa Pulilan, aktibong nakibahagi si Owen Cortez, 14, street dancer ng Dampol 2nd B, sa parada nitong ika-14 ng Mayo upang ipakita ang talento, kultura, at debosyon sa simbahan kasama ang kanyang grupo. Aniya, “Sulit po ang pagod dahil naipakita namin ang galing ng aming bayan at mas lalo akong nagkaroon ng kumpiyansa sa pagsasayaw.”

Sa gitna ng dilim, nariyan si Chris Airish S. Cruz, 12, tahimik na nakatanaw sa kalsadang patuloy ang pagdaloy ng mga sasakyan. Sa kabila ng ingay ng paligid, kapansin-pansin ang payapang katahimikang bumabalot sa gabi. Habang mabilis na dumaraan ang mga ilaw ng sasakyan, nananatili siyang tahimik, ninanamnam ang malamig na hangin at payapang sandali sa ilalim ng madilim na kalangitan.

Dahil Araw ng mga Nanay ngayon, naisipang magtinda ni nanay Letty Reyes, 64, ng mga bulaklak na gawa sa fuzzy wires sa harap ng Lumang Barangay Hall ng Cutcot nitong Ika-10 ng Mayo upang magkaroon ng mapag-kakaabalahan habang kumikita pa rin ng pera. Ani niya "Kasama ko ang anak ko sa paggawa tuwing uuwi sya sa trabaho kasi makita ang mga bulaklak ngayong Mother's Day tsaka para may extra income kami ng pamilya ko. "